“Ekziston frika që Irani ta detyrojë Uashingtonin të ndërhyjë duke sulmuar një anije ose bazë amerikane për ta përfshirë atë në luftë”. Kështu është shprehur një ish-ambasador i Izraelit në SHBA, raporton BBC.
Në programit Today të Radio 4, Michael Oren thotë se ka disa në Shtëpinë e Bardhë që nuk duan ta shohin SHBA-në të hyjë në një luftë tjetër në Lindjen e Mesme.
“Sulmi i Iranit ndaj SHBA-së do të rriste presionin mbi Trump brenda Shtëpisë së tij të Bardhë, dhe Presidenti Trump do të bënte presion mbi Izraelin” që më pas të negocionte një fund të luftimeve, u shpreh ai.
“Kështu mund të mendojnë iranianët”, thotë Oren. “Është një frikë që kam edhe unë”.
Oren thotë se Izraeli duhet të vazhdojë sulmet e tij dhe shton se tani nuk është koha për një armëpushim, siç kanë sugjeruar disa në SHBA. “Pse do të donte dikush që ne të ndalemi? Pse askush nuk do të donte të shihte Iranin të reduktuar ndjeshëm?”
