Lëvizja Socialiste për Integrim ka mbledhur ditën e sotme Konventën Kombëtae në Pallatin e Sportit, “Asllan Rusi”.
Nënkryetari i kësaj force politike, Luan Rama, theksoi se LSI do të jetë mburojë dhe barrierë e trafikantëve, timonierëve dhe të gjithë atyre që u ka humbur timoni e patantat e krimit.
“Na kanë thirrur për tu bërë mburojë kundër banditëve e trafikantëve në qeveri e kudo. LSI do të jetë mburojë do i bëhemi barrierë, trafikantëve, timonierëve, tepsixhijve, kusigjinjve dhe të gjithëve atyre që u ka humbur timoni e patentat e krimit” deklaroi nënkryetari i LSI-së, Luan Rama.
Kreu i grupit parlamentar të kësaj force, Petrit Vasili, ka deklaruar se Edi Rama duhet të ikë. Vasili tha se kryeministri Rama e ka të vështirë të ndahet nga krimi, pasi është organizatori dhe frymëzuesi.
Petrit Vasili: Rama të ikë. Ky kryeministër që ne kemi nuk ndahet dot nga krimi, sepse është organizatori, frymëzuesi, pagatori dhe koordinuesi i krimit dhe kriminelëve. Jemi për ta ndalur sot kryeministrin, i cili ka vetëm një strategji jo vetëm që të çojë drogë në Europë por dhe të grabisë shqiptarët.
