Kreu i LIBRA-s, Ben Blushi ka reaguar në lidhje me takimin e sotëm që zhvilluan kryeministri Edi Rama dhe kreu i Partisë Demokratike, Lulzim Basha në Presidencë. Me anë të një shënimi në Facebook, Blushi ironizon mosdakordësinë e palëve, duke theksuar se do ishte çuditur nëse do të merreshin vesh.
“DO ISHTE ÇUDI TË MERRESHIN VESH
Që Edi Rama dhe Lul Basha të gjenin marrëveshje do ishte njëlloj sikur cigarja dhe shkrepsja të shuanin zjarrin. Më vjen keq nëse PD nuk hyn në zgjedhje por më shumë keqardhje kam nëse shumë shqiptarë nuk do shkojnë të votojnë për çdo arsye. Kjo krizë nuk zgjidhet dot pa zgjedhje por me zgjedhje sa më të shpeshta. Mundësisht cdo vit duke filluar nga viti i ardhshëm!”, citohet në reagimin e Blushit
