Të pakta mund të këngëtaret shqiptare që nuk kanë kënduar të paktën një herë në dialektin e gegënishtes, duke u kthyer në një trend të ditëve të sotme.
Ndërkohë që shumica këndojnë si të jenë nga Kosova, ka edhe nga ato këngëtare që kritikojnë koleget e tyre lidhur me këtë fakt.
Të njëjtën gjë, ka vendosur ta shprehë hapur Irma Libohova, këngëtarja e mirënjohur e skenave shqiptare. Në Instagram ajo ka postuar një poster i cili thotë: “Këngëtarë të Shqipërisë, këndoni shqip. Lërjani Kosovës dialektin e saj, bëhuni origjinal, gegnishtja nuk ju shkon, jeni qesharak!”
Në postim, duket që Irma nuk ka asgjë kundra këngëve dhe këngëtarëve të Kosovës, ajo thjesht nuk pëlqen mënyrën se si disa këngëtarë shqiptarë përpiqen të këndojnë në këtë mënyrë vetëm për tu bërë më “trendy”.
Mirëpo duket se Irma ditën e sotme ka ndërruar mendim pasi ka fshirë edhe foton e publikuar.
