E gjithë vëmendja dhe spekulimet e publikuara në rrjete sociale pas performancës së këngëtares Lady Gaga dhe aktorit Bradley Cooper në ndarjen e çmimeve ‘Oscar’, duket se nuk kanë kaluar në paqe për modelen Irina Shayk.
E dashura e Cooper mësohet të ketë hequr Lady Gagën nga rrjetet sociale që përpara natës së çmimeve Oscar, ndonëse janë parë mjaft të afërta me njëra-tjetrën gjatë këtij eventi.
Sipas ‘The Sun’ Irina është tejet e mërzitur nga këto aludime që lexon kudo se partneri i saj dhe Lady Gaga janë më shumë sesa miq.
Gjithashtu një burim pranë Irinës është shprehur se modelja nuk është xheloze për Gagën apo të ketë diçka kundër saj, thjesht është shumë e lodhur dhe e mërzitur nga komentet për marrëdhënien e afërt me Bradley.
Kujtojmë se Irina është familjare me zërat për tradhti, duke kujtuar historinë e gjatë që ka patur me Ronaldon. Irina Shayk dhe Bradley Cooper kanë së bashku një vajzë dhe janë të lidhur që prej vitit 2015./Xh.K/Opinion.al/
