Nga Suada Daci
Nuk di si ta përkufizoj Irena Kitën, avokate, “fashioniste”, sportiste apo balerinë… Mos u çudisni kur e quaj “balerinë”, sepse shumë nga ju janë dakort me mua (nisem nga komentet në rrjetet sociale, që e komplimentojnë pa fund Irenën, për performancat e saj në Dance With Me”. Për këtë eksperience të re ajo na flet më gjerësisht në intervistën e mëposhtme:
Irenë si po e përjeton këtë eksperiencë të re në jetën tënde?
“Dance With Me” është eksperiencë shumë e bukur dhe po e përjetoj po aq bukur. Ky program bën pjesë në emocionet e rralla, prandaj duhet të përjetohet çdo moment.
Çfarë e bën të veçantë nga të gjitha multi gjërat që ti bën në jetë?
Kërcimi në vetvete është shumë i vështirë. Nuk është i njëjtë me atë që ne kërcejmë në një club apo diskotekë. Çdo hap apo lëvizje flet dhe mer jetë në kërcim, duke e bërë atë të emocionojë dhe të shprehë anën tonë të brendshme.
Njerëzit në rrjetet sociale të kanë komplimentuar pa fund, i sheh reagimet e tyre?
Po i shoh, si komentet negative dhe ato pozitive. I falenderoj dhe u jam shumë mirënjohëse atyre që më mbështesin në mënyrën e tyre.
Bashkëshorti sa të ndihmon në këtë sfidë të re?
Bashkëshorti është boshti im në çdo rrugëtim që unë ndërmarr. Ai është gjithmonë në krahun tim si me këshillat e tij dhe me komplimentat.
Po me Sardin si ndihesh.?
Sardi është djalë shumë i mirë dhe qytetar. Jemi shokë shumë të mirë dhe ka shumë harmoni mes nesh.
Na ke munguar në Instagram apo në Facebook, me këshilla për veshjet. Kur do ti rikthehesh blogut?
Pa diskutim që po. Këto ditë po punoj për ëeb site-in tim irenakita.com, pasi faqen e mëparshme e kanë hackuar dhe po e risjell akoma më bukur.
E ke menduar të bëhesh pjesë e televizionit, pas kësaj eksperience apo do ti rikthehesh zyrës dhe çështjeve gjyqësore?
Nëqoftëse do më jepej mundësia, do të më pëlqente një program për fashion-in dhe të bukurën.
