Irani ka hequr dorë nga marrëveshja bërthamore të cilën e nënshkroi me fuqitë botërore në vitin 2015.
Përmes një deklarate është thënë se ky shtet nuk do të ndjekë kufizime në nivelet e pasurimit me uranium, stokun e materialit të pasuruar, hulumtimin apo zhvillimin.
Deklarata është bërë publike pas një takimi që është zhvilluar nga kabineti iranian në Teheran.
Sipas marrëveshjes, Irani është zotuar për të kufizuar aktivitetin bërthamor në këmbim të heqjes së disa prej sanksioneve ndërkombëtare.
Presidenti amerikan, Donald Trump është tërhequr më 2018 nga kjo marrëveshje, duke thënë se dëshiron të negociojë me Iranin një marrëveshje të re, në të cilën do të përfshiheshin edhe raketat balistike.
Ky lajm vjen në kohën kur marrëdhëniet e Iranit me SHBA janë në pikën e tyre më të ulët që prej Revolucionit Islamik, si pasojë e vrasjes së gjeneralit Iranian, Qasem Soleimani nga dromët e ushtrisë amerikane. /Opinion.al
