Ministri i Jashtëm iranian, Mohammad Javad Zarif ka realizuar një vizitë të papritur në samitin e shtatë vendeve më të industrializuara të botës, njohur ndryshe si G7, që është mbajtur në Francë.
Zarif ka marrë pjesë në samitin ku po marrin pjesë liderët botërorë, përfshirë presidentin amerikan, Donald Trump, ndërsa sipas raportimeve delegacioni amerikan është befasuar nga vizita e tij, e cila vjen në kohën e rritjes së tensioneve të Shteteve të Bashkuara me Iranin.
Zarif ka thënë në rrjetin social, Twitter se ai ka zhvilluar bisedime “konstruktive” me presidentin francez, Emmnual Macron.
“Rruga në të ardhmen është e vështirë, mirëpo ia vlen që ta provojmë”, ka thënë ai teksa ka njoftuar se është takuar edhe me zyrtarët gjermanë dhe ata britanikë.
Tensionet mes të Iranit dhe Shteteve të Bashkuara janë përshkallëzuar ndjeshëm prej kur Uashingtoni është tërhequr një vit më parë nga marrëveshja bërthamore që Teherani ka nënshkruar me fuqitë botërore më 2015.
Megjithatë, pesë shtetet tjera, duke përfshirë Francën, vazhdojnë të jenë të përkushtuara për zbatim të marrëveshjes, ndonëse Irani ka nisur aktivitete bërthamore, në përgjigjje të sanksioneve ekonomike të SHBA-së kundër këtij shteti./Opinion.al
