Presidenti i Iranit, Ebrahim Raisi, thotë se lëvizjet e Izraelit kanë “kaluar vijat e kuqe, të cilat mund t’i detyrojnë të gjithë të ndërmarrin veprime”.
Duke shkruar në X (ish-Twitter) të dielën, Raisi shtoi: “Uashingtoni kërkon nga ne që të mos bëjmë asgjë, por ata vazhdojnë të japin mbështetje të gjerë për Izraelin. SHBA i dërgoi mesazhe Boshtit të Rezistencës, por mori një përgjigje të qartë në fushën e betejës.”
“Boshti i rezistencës” i referohet një rrjeti forcash të mbështetura nga Irani në të gjithë Lindjen e Mesme, pjesë e të cilit është edhe Hamasi.
Autoritetet amerikane kanë paralajmëruar Iranin që të qëndrojë jashtë luftës Izrael-Hamas, pasi ata janë të prirur të ndalojnë një konflikt më të gjerë rajonal.
Grupi Hezbollah, i cili është i bazuar në Liban dhe i mbështetur gjithashtu nga Irani, ka shkëmbyer zjarr me Izraelin javët e fundit.
