Bota

Irani shkundet nga tërmeti, viktima dhe qindra të plagosur


               Publikuar në : 14:25 - 08/11/19 |
el ida

Një tërmet i fuqishëm me magnitudë 5.9 Rihter tronditi Iranin duke shkaktuar vdekjen e të paktën 6 personave si dhe plagosi më shumë se 300 të tjerë.

Shërbimet sizmiologjike raportojnë se tërmeti ra në orët e para të së premtes në provincën Azerbajxhani Lindor,  në jugperëndim të Ardabil.

Agjencia shtetërore e lajmeve IRNA bën me dije se tërmeti i fuqishëm u pasua nga 60 lëkundje duke shkaktuar panik te banorët që e kaluan natën jashtë banesave të tyre.

Bilanci i viktimave nga ky tërmet pritet të rritet në orët në vijim për shkak të numrit të madh të të plagosurve, ndërsa sipas raporteve në televizionin shtetëror, shumica e të plagosurve janë shkaktuar kur turmat kanë shtyrë njëra-tjetrën.

Irani shtrihet në dy pllaka kryesore tektonike dhe është i prirë ndaj aktivitetit të shpeshtë sizmik. Kujtojmë se në vitin 2003, një tërmet 6.6 ballë ka shkatërruar qytetin historik Bam në juglindje të Iranit, duke vrarë 26,000 njerëz, ndërsa më 2017, një tjetër tërmet në kufirin Iran-Irak, ka lënë së paku 600 njerëz të vrarë./Opinion.al

Pas