Irani e ka përshkruar si një “sulm frikacak” incidentin me cisternën iraniane të naftës, për të cilën raportohet se është goditur me raketa.
“Një përgjigje e duhur do t’u jepet autorëve të këtij sulmi frikacak, por ne do të presim që të zbardhen të gjitha detajet e këtij sulmi”, tha zëdhënësi i qeverisë, Ali Rabei.
Mediat raportuan se cisterna e naftës, e emëruar “Sabiti”, është goditur më 11 tetor teksa ka qenë duke lundruar në Detin e Kuq, në ujërat e Arabisë Saudite..
Kompania Kombëtare e Anijeve Iraniane tha se anija është qëlluar nga dy shpërthime të ndara rreth 100 kilometra larg portit të qytetit saudit, Jeddah.
Incidenti, ka ndikuar menjëherë në rritjen e çmimit të naftës së papërpunuar, dhe mund të ndikojë edhe në rritjen e tensioneve në mes të Iranit dhe Shteteve të Bashkuara me aleatët e saj./Opinion.al
