Televizioni shtetëror iranian raportoi se Garda Revolucionare më 14 korrik ka konfiskuar një cisternë të huaj, brenda së cilës gjendeshin 12 anëtarë të ekuipazhit.
Sipas mediave iraniane, cisterna po transportonte lëndë djegëse nga kontrabandistët iranianë, tek klientët e huaj. Ajo u zbulua në rajonin e shumëpërfolur të Ngushticës së Hormuzit, vendkalim për gati një të tretën e gjithë naftës që tregtohet nga deti, ndërsa nuk bëhet e ditur kombësia e anëtarëve të ekuipazhit.
Incidenti vjen mes tensioneve të larta midis Teheranit dhe Uashingtonit dhe pasi Britania konfiskoi një cisternë iraniane jashtë brigjeve të Gjibraltarit më 4 korrik, pas dyshimeve se po shkelte sanksionet e BE-së, duke dërguar naftë në Siri./Opinion.al
