Lideri suprem i Iranit, Ajatollah Ali Khamenei ka reaguar pas sulmit me 6 raketa drejt bazës amerikane në Doha.
Khamenei shkroi në rrjetin social “X” se Irani nuk ka shkelur të drejtat e askujt.
“Ne nuk kemi shkelur të drejtat e askujt. As nuk do të pranojmë kurrë që dikush të shkelë të drejtat tona. Kjo është logjika e kombit iranian”, shkruan ai.
Kujtojmë se kjo është deklarata e parë publike e Khamenei-t në rrjetet sociale që pas sulmeve amerikane ndaj objekteve bërthamore iraniane gjatë fundjavës.
