Iran/ Protesta të dhunshme, shkon në 21 numri i të vrarëve

Vazhdojnë protestat në Iran, por po kështu po rritet edhe numri i të vrarëve midis protestuesve. Sipas raportimeve më të fundit të paktën 9 persona humbën jetën gjatë përleshjeve në ditën e 9 të protestave duke e çuar në 21 numrin e të vrarëve. Lajmi bëhet i ditur nga televizioni shtetëror iranian, ndërsa protestat nisën fillimisht për rritjen e çmimeve të artikujve, ndërsa tashmë janë kthyer në protesta antiqeveritare.
Në Iran këto janë protestat më masive politike në Iran, prej vitit 2009, kur pati kontestime në lidhje me votimet presidenciale në të cilat u rizgjodh President, Mahmud Ahmadinejad. Aktualisht, protestat po mbahen në dhjetëra qytete në gjithë Iranin, përfshirë disa zona të ndryshme në kryeqytetin Teheran.