Rreth 200 persona u arrestuan gjatë mesnatës të së hënës në një goditje ndaj kazinove ilegale të Bagdadit ku shërbehej alkool, i konsideruar një krim gjatë muajit islamik të Ramazanit, tha Ministria e Brendshme e Irakut.
Policia shënjestroi katër klube nate ku klientët luanin aktivitete të ndaluara në Irak, si të gjitha lojërat e fatit, tha zëdhënësi i brendshëm Saad Maan, në një deklaratë për shtyp.
Sipas mediave të huaja janë arrestuar 159 irakianë dhe 32 të huaj, përfshirë këtu edhe gra, si dhe bëjnë me dije se gjatë kontrollove rutinë i janë sekuestruar shuma të mëdha parash.
Gjatë momentit të bastisjes së kazinove, qytetarët janë gjetur me shishe alkooli nëpër duar, konsumimi dhe shitja i të cilit është i ndaluar gjatë muajit të Ramazanit.
Kujtojmë se pak para fillimit të Ramazanit muajin e kaluar, Dogana shpalli ndalimin e importit të alkoolit bazuar në një ligj të diskutueshëm që ka hyrë në fuqi së fundmi.
Por për ditët në vijim, dyqanet e pijeve alkoolike në Bagdad, pronarët e të cilave janë përgjithësisht nga pakicat e krishtera dhe jezide, ishin ende të hapura dhe vazhdonin të ofronin uiski, birrë dhe verë për klientët e tyre./Opinion.al
