Gjiganti amerikan i teknologjisë “Apple” ka prezantuar 3 modele të reja iPhone-sh, me çmimin e më të shtrenjtit që do arrijë mbi 1000 paund britanikë.
Por futja në treg e 3modeleve të reja do të thotë se iPhone që ju keni në duar do të vlejë 25 % më pak në orët e ardhshme, shkruan tvklan.al.
Sipas “Metro”, në sajtin “musicMagpie” do ju japin jo më shumë se 536 paund britanikë për një iPhone X , 64GB, i cili u fut në qarkullim vitin e kaluar. Aktualisht çmimi për një iPhone X 64GB është 999 paund.
Ndërsa çmimi për një iPhone X, 256 GB do të bjerë në rreth 611 paund, nga 1149 paund që është aktualisht.
Mund të duket rënie e madhe në çmim për një pajisje që nuk është më shumë se 1 vit e vjetër, por rënia mund të jetë edhe më drastike për smartfonët Android.
