iPhone 7 u prezantua si një nga risitë më të mëdha teknologjike të Apple. Një nga karakteristikat e tij është rezistenca ndaj ujit.
Sipas Busines Insider, iPhone 7 është rezistent ndaj ujit, por ai nuk është i mbrojtur ndaj tij.
Kjo do të thotë se nuk mund të hyni në pishinë dhe të bëni foto me kamerën e tij.
Gjatë ceremonisë së prezantimit të mërkurën, Apple ka bërë të ditur se iPhone 7 ka IP67 rezistent ndaj ujit, që do të thotë se mund të punojë teknikisht në një thellësi prej 1 metër nën ujë, në kohëzgjatje prej 30 minutave.
Kjo është një kohë e gjatë nëse telefoni bie në ujë aksidentalisht. Megjithatë, Apple nuk do të mbulojë dëmtimet nga uji të iPhone 7 dhe nuk ju jep garanci, prandaj është më mirë që ta mbani aty larg ujit.
Nëse iPhone 7 do të ishte i mbrojtur ndaj ujit atëherë mund ta përdornit edhe në një thellësi e kohëzgjatje më të madhe nën ujë. Por, ai nuk është “water proof”, prandaj mos e përdorni atë kur zhyteni në thellësi të mëdha.-shkruan “Business Insider”
