Vetëm pak ditë më parë kompania Apple prezantoi modelet më të reja të Iphone, iphone 11, iPhone 11 Pro dhe iPhone 11 Pro Max. Gjithçka është e përmirësuar në modelet e reja duke filluar që nga ekrani, procesorët, bateri më jetëgjatë, si dhe tre kamera të reja.

Ndonëse pritej që modelet të pëlqeheshin shumë nga fansat e Iphone duket se ka ndodhur e kundërta.

Pamja e kamerave, tre rrathë të vegjël mbrapa, u shkakton disa personave tripofobi, që është frika nga sipërfaqet e vrimëzuara, të imëta, si hoje bletësh ose e anasjellta, me gunga të vogla dhe të shpeshta.

Për këtë fakt ka patur reagime të shumta në Twitter nga persona që shprehen se nuk e duan një aparat të tillë.

Të tjerë kanë shkruar se imazhi i ri i iphone-ve ngjan me pamje të ndonjë  demoni, tepër të frikshme dhe horror.

Ende nuk ka një reagim nga kompania e njohur për ato çfarë thuhet në rrjete sociale për modelet e reja./Opinion.al/