Simone Inzaghi ka rinovuar kontratën me Interin deri në qershor të vitit 2025.
Edhe pse marrëveshja mes palëve ishte arritur prej kohësh së fundmi është zyrtarizuar dhe nga klubi zikaltër.
Trajneri italian do të marrë një pagë prej 5,5 milionë eurosh në sezon plus bonuset që do të shtohen në bazë të rezultateve të arritura.
Në dy sezone e para me Interin, Inzaghi fitoi 4 trofe, dy Kupa Italia dhe dy Superkupa, ndërsa vitin e kaluar, zikaltërit ishin finalistët të Champions League kundër Manchester City-t.
Në tri javët e para, Inter ka grumbulluar 9 pikë të plota me 3 fitore, tetë gola të shënuar dhe zero të pësuar.
