Për Qeverinë e Shqipërisë, investimet e pritshme të, Jared Kushner, dhëndrit të ish-presidentit të SHBA, Donald Trump në ishullin e Sazanit është një mundësi “e artë” për t’i dhënë një tjetër nivël zhvillimi turizmit në vend.
Për investimin në ishullu ka folur për emisionin “Opinion”, arkitekti që ka ideuar projektin e Sazanit dhe Zvërnecit, Asher Abehsera.
Ai tregon se si u krijua për herë të parë ideja për të investuar në vendin tonë dhe si u vendos që investimet të kryheshin në Sazan.
Abehsera thekson se Shqipëria ka potencial të madh për zhvillimin e turizmit, jo vetëm për bukuritë natyrore, por edhe për shkak të pozicionit gjeografik.
Pjesë nga intervista
Fevziu: Ju jeni arkitekt…
Abehsera: Ne jemi një grup projektuesish, planifikuesish, ndërtuesish…
Fevziu: Jeni të bazuar në qytetin e Nju Jorkut?
Abehsera: I kemi bazat në Shtetet e Bashkuara. Kemi një zyrë në Nju Jork dhe një zyrë në Majami.
Fevziu: Për sa kohë jeni përfshirë në këtë punë?
Abehsera: Në këtë industri?
Fevziu: Po.
Abehsera: Do të thosha për 18 vite.
Fevziu: 18 vite.
Abehsera: Po.
Fevziu: Si u përfshitë në këtë projekt, projektin e Sazanit dhe Zvërnecit?
Abehsera: Kjo erdhi nëpërmjet një miqësie. Miku im i mirë Xharedi, me të cilin jemi partner për një kohë të gjatë, erdhi me një mik të tij në rajon. Ishin në një anije, në një jaht, dhe panë ujërat e bukur e thanë: le të ndalemi në këtë rajon. Dhe një mik i tij i tregoj këtë xhevahir të magjishëm në mes të Mesdheut.
Fevziu: Mendoni që Sazani është vërtetë një xhevahir në Mesdhe?
Abehsera: Absolutisht. Absolutisht që është.
Feziu: Pse? Mesdheu është i mbushur me ishuj, ishuj të bukur.
Abehsera: Mendoj se keni një bashkim… Si fillim keni pozitën gjeografike në hartë. Sazani është oazë e bukur brenda një ishulli, brenda në ujit ku shikoni detit Jon dhe atë Adriatik që takohen. Në fakt mund të shikoni nuancat e ndryshme të ngjyrës blu duke puthur njëra tjetrën.
Fevziu: Po.
Abehsera: Në anën tjetër…
Fevziu: Në njërën anë është blu më e errët ndërsa deti Adriatik ka nuancë tjetër bluje.
Abehsera: Kur mendoni për perspektivën… Nga ana gjeografike është në Shqipëri por në të vërtetë ndodhet midis Italisë dhe Greqisë dhe Malit të Zi, pra keni xhevahir të pazbuluar në mes të detit i cili të jep ndjesinë: çfarë është kjo? Është si poezi sepse kur dilni dhe filloni të ecni në kodër aty fillon të ndodh magjia.
Fevziu: Dua ta nis direkt me projektin por në fillim, pa kaluar aty dua t’ju pyes, a keni folur me Xhared Kushner-in? Është një mik apo është vetëm biznesi që ju bashkon?
Abehsera: Xharedi është një mik shumë i mirë të cilin e admiroj vërtetë dhe me të cilin bëjmë biznes.
Fevziu: Jeni partner në biznesi. Kur e vizituat Shqipërinë për herë të parë?
Abehsera: Shqipërinë për herë të parë e vizitova para një viti e gjysmë.
Fevziu: Para një viti e gjysmë. Dinit ndonjë gjë për Shqipërinë përpara se të vinit këtu?
Abehsera: Asgjë.
Fevziu: Asgjë. Dhe cila ka qenë përshtypja juaj e parë?
Abehsera: Kur erdha këtu?
Fevziu: Po.
Abehsera: U mrekullova. Mu duk një vend shumë romantik. I thash njerëzve, që gjëja e parë që më pëlqeu ishin njerëzit. Më pëlqejnë shumë shqiptarët. Më pëlqen eleganca, arsimi, mënyra se si sillen. Mendova se ishte një vend jashtëzakonisht shumë i bukur qoftë nga ana estetike por ndjeva po ashtu emocionin e gjërave që do të vijnë.
Fevziu: Ju keni vizituar vetëm Vlorën, Sazanin dhe Zvërnecin apo tërë…
Abehsera: Kam vizituar tërë bregdetin.
