Në përfundim të mbledhjes së grupit Parlamentar, Gazment Bardhi, nënkryetar i PD, foli në lidhje me miratimin që mazhoranca i bëri shtyerjes së afatit për ligjin e Investimeve Strategjike deri në fund të 2024, duke anuluar planin fillestar për ta shtyrë deri në fund të 2027.
Bardhi tha se ky është një ligj i shërben atyre që zaptojnë pronat dhe pastrojnë paratë e krimit dhe korrupsionit.
“Nga një ligj që do i shërbente interesit publik, do i shërbejë vetëm atyre që zaptojnë pronat dhe pastrojnë paratë e krimit dhe korrupsionit. Kërkoj përgjegjshmëri nga deputetët e mazhorancës, nuk janë aty për t’i shërbyer Pëllumb Gjokës apo elementëve të tjerë për ligje të sponsorizuar.”-tha Bardhi.
