Kryeministri Edi Rama mburret në facebook se ka çuar investime në qytete, kryesisht përsa i përket rivitalizimit të qendrave apo shëtitoreve. Ai u shpreh para disa ditës se edhe Malësia e Madhe ka rilindur. Por kryetarja e Bashkisë së Shkodrës, Voltana Ademi doli kundër Kryeministrit duke deklaruar se “sistemi i korrupsionit nuk lejon që Shkodra të ketë më shumë investime madhore”.
Kryebashiakja Ademi u përgjigj edhe për ironinë e herë pas hershme të kryeministrit Rama se bashkia e Malësisë së Madhe bën projekte më të mira se ajo e Shkodrës duke thënë se së shpejti në një aplikim të radhës do të bëjë publike projektet për të hedhur poshtë justifikimet e qeverisë.
Lidhur me përmbytjet dhe nevojën e investimeve për mbrojtjen e argjinaturave apo veprave të tjera, kryebashkiakja kujton se fondi i qeverisë për Shkodrën është vetëm 5 mijë lekë për banorë, shumë pak për të realizuar projekte madhore.
