Televizioni Top-Channel duket se ka qenë i pandershëm në shitjen e produktit televizionit “Master Chef Albania” që u transmetua sezonin e kaluar. Emisioni investigativ italian “Stricia la Notizia” ka nxjerr në pah manipulimin që është bërë për të rritur audiencën. “Striscia” i ka bërë një kamera të fshehtë fituesit të “Master Chef Albania”, Bleri Dervishi, i cili tregoi se të gjithë konkurentët ishin kuzhinierë profesionistë dhe jo thjesht qytetarë të apasionuar pas kuzhinës siç u tha në program.
“Ishim të gjithë profesionistë dhe unë kisha frikë se do humbja, sepse ishim katër gjysmë-finalistë që punonim nëpër vende prestigjoze dhe unë isha më i riu. U ndesha me njërin që punonte në “San Domenico”, vend me dy yje Michelin, një tjetër që punonte në “Alinea”, vend me tre yje në Amerikë, njëri që punonte tek “Crippa” dhe të gjithë e dinim për njëri-tjetrin që ishim kuzhinierë profesionistë. ”Kështu shprehet Bleri teksa duket në kameran e fshehtë të “Stricia la Notizia” në Canale 5.
Bleri, një shef kuzhine i mirëfilltë u prezantua si pjatalarës nga produksioni i Masterchef Alabania në Top Channel.
http://mdst.it/03v520745/
