Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Investigimi/ Plazhet publike zaptohen nga privatët

2018/07/13 at 10:18 PM
në Sociale
Kohë leximi: 4 min
A A
Investigimi/ Plazhet publike zaptohen nga privatët

Sezoni i plazhit ka nisur në vend, por problematikat më të mëdha mbeten mungesa e hapësirave publike si dhe moszbatimi i VKM nr. 358, e cila përcakton qartë dispozitat që stacionet e plazhit duhet të përmbushin.


Fiks Fare ka zhvilluar një vëzhgim në disa plazhe të vendit. Në të gjitha rezulton se shkelen hapësirat publike si dhe një sërë rregullash të tjera të përcaktuara qartë me vendim qeverie.

Operatorët, të cilët janë licencuar, nuk respektojnë distancat midis çadrave, hapësirat publike si dhe nuk krijojnë kushtet, si vendosjen e dusheve, kabinave të zhveshjeve, tualeteve dhe dhomës së dhënies së ndihmës së parë në raste problemesh shëndetësore.

Sërish edhe këtë vit mungojnë kullat e rojës, madje edhe në rastet kur ato janë vendosur, mungon roja bregdetare. Në Durrës, në zonën e Currilave dhe në Kallm mungojnë totalisht hapësirat publike. Operatorët turistikë të licencuar duhet të respektojnë disa dispozitat të VKM nr. 358 e cila përcakton kushtet.

Në çdo 50 çadra duhet të ketë dy kabina zhveshjeje, dy tualete dhe një dhomë për ndihmën e parë mjekësore. Veç këtyre, distanca nga çadra në çadër duhet të jetë mbi 2,5 m, ndërsa nga brezi i parë i çadrave deri në bregun e detit distanca duhet të jetë më e madhe se 7,5 m.

Zonat publike mungojnë totalisht. Këtë fakt e dëshmojnë edhe pushuesit.”Ju e shihni edhe vetë këtu hapësira publike nuk ka më. Dikur ka patur, por sot është e pamundur të gjesh”, shprehet një qytetar. Një tjetër thotë se ka një jetë që vjen në këtë zonë, por tani është e pamundur të gjesh vend.

“Unë vij këtu prej 30 vitesh dhe aktualisht kjo zonë nuk ka më hapësirë, është e pamundur të gjesh një vend publik”,- u shpreh ai.

E njëjta situatë shihet edhe në zonën tjetër të plazhit të Durrësit. Nga Ura e Dajlanit deri në afërsi të Përroit të Agait, hapësirat publike janë shumë të pakta. Edhe pse VKM. 358 thotë qartë që 20% duhet të jetë hapësirë publike, dispozita nuk zbatohet.

Fiks Fare ju drejtua Prefekturës së Durrësit. Kjo e fundit ka ngritur një grup pune për të monitoruar situatën në plazhe. Prefekti Roland Nasto u shpreh se në të gjitha rastet ku hapësirat publike janë zënë nga operatorët privatë do të merren masa deri në heqjen e licencave.

“Ne kemi inspektuar dhe rezulton që ka prekje të hapësirave publike. Ne do të ndërhyjmë dhe do të gjobisim, madje do të shkojmë deri në heqjen e licencave. Ndërsa, përsa i përket kullave të rojës, duhet të merren menjëherë masa për të shtuar numrin e tyre si dhe për të vendosur rojet bregdetare”, tha Nasto.

Fiks Fare ka bërë të njëjtin vëzhgim edhe në Shëngjin e Velipojë. Në Velipojë ndryshe nga Durrësi operatorët (stacionet e plazhit) kanë respektuar distancat, por plazhe publike nuk ka. Problem në këtë zonë turistike mbeten rrugët e brendshme të cilat të çojnë drejt plazhit, infrastruktura rrugore lë për të dëshiruar. Gjithashtu, ajo që vihet re përgjatë gjithë vijës bregdetare është se ka vetëm dy kulla vrojtimi, por edhe tek këto mungon roja bregdetare.

Turistët gjithashtu shprehen të shqetësuar për praninë e mushkonjave .”Mushkonjat janë shumë problem, nuk flemë dot natën, tmerr”, shprehet një turist. Të njëjtën gjë thonë edhe shumë të tjerë.

Kryetari i Njësisë Administrative Velipojë, Altin Kaçi u shpreh për Fiks Fare se hapësirat publike të zëna do të lirohen, ndërsa për sa i përket rojeve bregdetare problemi mbetet të zgjidhet nga vetë subjektet ose nga Bashkia e Shkodrës.

“Hapësirat publike të zëna do të lirohen menjëherë pasi të miratohen lejet e shfrytëzimit. Ne do të raportojmë në polici për të gjitha ato subjekte që shkelin këto hapësira. Përsa i përket rojeve bregdetare është problem, por ju takon subjekteve të marrin masa ose Bashkia e Shkodrës të ndërmarrë nismë”,- u shpreh Kaçi.

Në plazhin e Shëngjinit hapësirat publike janë zënë totalisht. Gjithashtu ka mungesë tualetesh si dhe nuk respektohen distancat nga brezi i parë i çadrave tek bregu i detit, shezllonet janë ngjitur me bregun pothuajse. “Banjo këtu nuk ka dhe as hapësira publike”, thotë një turiste.

Të tjerë thonë që kushtet duhet të ishin edhe më mirë, megjithatë ata sërish e kanë zgjedhur Shëngjinin si destinacion veror. “Duhet të kishte më shumë kushte sigurisht, por ne vijmë çdo vit”, u shpreh një turiste nga Kosova.

Shefi i turizmit në Njësinë Administrative Shëngjin, Gjovalin Maklaj shpjegon se problem mbeten rojet e vrojtimit, të cilët në bazë të vendimit të qeverisë duhet të merren nga subjektet. Sipas tij, kjo nuk është zbatuar. Ndërsa, përsa i përket hapësirave publike, Maklaj shpjegon se do të shtohen në vazhdim.

“Po mundohemi të zgjerojmë hapësirat publike dhe në ato vende që ka shkelje kemi raportuar. Megjithatë, unë mendoj se problem mbeten rojet e vrojtimit, pasi VKM nuk është zbatuar”,- u shpreh Maklaj./TCH/

 

Etiketa: investigimiplazhet publikezaptohen nga privatet


Ju sugjerojmë

“Ishte një moment i vështirë…”, Drini Zeqo rrëfen në “Elevate” ndarjen e prindërve
Sociale

“Ishte një moment i vështirë…”, Drini Zeqo rrëfen në “Elevate” ndarjen e prindërve

21 Qershor, 2025 9:31 am
Ekspozimi në diell, probleme te fëmijët
Kryesore

Ekspozimi në diell, probleme te fëmijët

20 Qershor, 2025 4:01 pm
Shqipëria, një nga destinacionet më të mira për udhëtime solo aventuriere në 2025
Kryesore

Shqipëria, një nga destinacionet më të mira për udhëtime solo aventuriere në 2025

20 Qershor, 2025 8:32 am
Manastirliu: Modelin e shkollës verore do ta zgjerojmë edhe në shkolla të tjera
Kryesore

Manastirliu: Modelin e shkollës verore do ta zgjerojmë edhe në shkolla të tjera

19 Qershor, 2025 12:10 pm
“Elevate by Floriana Garo”:Ankthi dhe depresioni po përhapen në heshtje në Shqipëri!
Sociale

“Elevate by Floriana Garo”:Ankthi dhe depresioni po përhapen në heshtje në Shqipëri!

18 Qershor, 2025 3:11 pm
Sëmundjet e zemrës, “vrasësi” i shqiptarëve
Kryesore

Sëmundjet e zemrës, “vrasësi” i shqiptarëve

18 Qershor, 2025 2:02 pm
Alarm për tregun e punës, aftësitë e punonjësve shqiptare sa 37% e atyre në BE
Kryesore

Alarm për tregun e punës, aftësitë e punonjësve shqiptare sa 37% e atyre në BE

16 Qershor, 2025 8:56 am
Të bësh triko leshi në mes të vapës përvëluese
Kryesore

Të bësh triko leshi në mes të vapës përvëluese

15 Qershor, 2025 12:26 pm
Shqipëria rrezikon të bjerë nën kufirin e 2 milionë banorëve përpara vitit 2035
Kryesore

Shqipëria rrezikon të bjerë nën kufirin e 2 milionë banorëve përpara vitit 2035

15 Qershor, 2025 8:16 am
“Qershi dhe Dashuri” në Godolesh/ Vizitorë të shumtë në festën që promovon…
Kryesore

“Qershi dhe Dashuri” në Godolesh/ Vizitorë të shumtë në festën që promovon…

8 Qershor, 2025 3:20 pm
Para
Kroacia qëndron në kulmin e fitores së Kupës së Botës!

Kroacia qëndron në kulmin e fitores së Kupës së Botës!

Njihni osteoartritin

Njihni osteoartritin

Kë frikëson Ushtria e Kosovës?

Kë frikëson Ushtria e Kosovës?
















TE FUNDIT

Monedha kombëtare qëndron në pozita të forta ndaj valutave

Masat për kreditë për shtëpi, Xhepa: Ul rrezikun për tregun
27 Qershor, 2025

Monedha kombëtare, leku, ka vijuar të jetë triumfuese kundrejt valutave edhe përgjatë këtij viti, e veçanërisht kundrejt monedhës euro. Për...

Lexo më shumë

Sekuestrohen 170 çadra e shezlongë në Durrës, procedohen 6 persona

Sekuestrohen 170 çadra e shezlongë në Durrës, procedohen 6 persona
27 Qershor, 2025

Policia ka liruar hapësira të reja në plazhin e Vilë Bashtovës dhe në plazhin e quajtur “Rëra e Bardhë”, që...

Lexo më shumë

Kurti: Serbia mund të nxisë incidente afër Prishtinës

Kurti: Serbia mund të nxisë incidente afër Prishtinës
27 Qershor, 2025

Kryeministri në detyrë i Kosovës, Albin Kurti, ka thënë të premten se Serbia mund të përdorë “elemente destruktive” për të...

Lexo më shumë

I shpërthen bombola e gazit në banesë, dëmtohet 64 vjeçarja. Niset drejt Traumës

Aksidenti i trefishë në Fushë-Milot, policia: Të plagosurit janë nisur drejt Traumës
27 Qershor, 2025

I shpërthen bombola e gazit në banesë dëmtohet një 64 vjeçare në Shëngjin. Ngjarja mësohet se ka ndodhur rreth orës...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com