Një marrëveshje e dytë mes Ramës dhe Bashës është hedhur poshtë nga kryedemokrati. Në një intervistë për Opinion.al, zoti Basha deklaroi se Edi Rama është një kufomë politike dhe se do të dëgjohet zëri i popullit deri në fund.
“Protesta do të vazhdojë deri sa të kemi vullnetin e popullit. Largimin e Edi Ramës, një qeveri tranzitore dhe zgjedhje të lira dhe të ndershme”, deklaroi Basha.
Do të largoheni nga sheshi?
Atë do ta diskutojmë. Një gjë iu them, që populli e tregoi sot që Edi Rama është një kufomë politike. Qeveria e tij është e paligjshme, marrëveshje me Edi Ramën nuk do të ketë dhe zëri i popullit do të dëgjohet e respektohet deri në fund.
