Elena (Duka) Xhina pritet të ulet në sallën e parlamentit të enjten e javës së ardhshme pasi nesër nuk do të ketë seancë plenare. Ajo është zyrtarisht deputete, pasi sot u mandatua nga KQZ, por për betimin duhet të presë edhe një javë. Elena Xhina hyn në parlament nga lista e PDIU për qarkun e Elbasanit, pas dorëheqjes së biznesmenit Bujar Muça.
Në një intervistë dhënë sot per Neësbomb.al deputetja e re tregon se deri tani ka ndërruar tre parti, nga PS tek LSI e më pas tek PDIU-ja.
Pjesë nga intervista
PDIU është vetmja parti që ka 3 deputetë në Parlament, por që kryetari i saj, Shpëtim Idrizi është jashtë tij. Si do jetë sjellja juaj në parlament si deputete e re në raport me Opozitën dhe Mazhorancën?
Ne si deputetë, pavarisht se kryetari nuk është në parlament besoj se do të jemi unison. Por gjithmonë kjo do të varet nga çështjet që do të vijnë për diskutim në Parlament, pasi nuk mund të them që për të gjitha do jem pro, apo e anasjellta. Por në përgjithesi unë mendoj se do të jetë në favor të pozitës së tanishme.
Për cilat arsye? Është një vendim poltik?
Unë për shembull vetë personalisht vij nga një e shkuar me bindje të majta, nuk është se kam bindje të djathta. Unë më herët kam qenë në Partinë Socilaiste, pastaj për një periudhë kam qenë edhe me LSI dhe tashmë jam në PDIU.
Cilat kanë qenë arsyet e këtyre lëvizjeve?
Po kjo ka qenë për shkak të zgjedhjeve të mia personale. Dhe mendoj që kryesisht vota ime do të jetë në favor të mazhorancës, por që gjithmonë do të varet nga çështjet konkrete.
Duke qenë se në të shkuarën ju thatë se keni qenë pjesë e PS dhe LSI. Mund të ndodhë që ju të bëni ndonjë levizje drejt njërës prej këtyre partive sërish në të ardhmen?
Asnjëhere nuk mund të themi çfarë do të ndodhë. Sepse është ajo shprehja kurrë mos thuaj kurrë, por unë tashmë jam ne PDIU dhe do të jap kontributin tim këtu ku jam dhe do të përpiqem të jap më të mirën time./Ardit Hoxha/
*Në foton kryesore Elena Xhina dhe Bujar Muça gjatë fushatës. Foto 2 nga profili i saj në facebook
