Hera e fundit që je mërzitur?
Para dy-tre ditësh, kur më ikën dritat.
Zënka e fundit që ke bërë?
Para tre orësh me kolegët e punës për çështje materialesh. Në fakt zihemi çdo ditë për të mirën e punës.
Hera e fundit që ke dëgjuar një thashethem për veten?
Para disa ditësh dëgjova që kishte dalë thashethemi se do largohem nga “Vizion Plus”.
Hera e fundit që ke thënë fjalë të pista?
Sapo e thashë një të tillë.
Kur të kanë gënjyer për herë të fundit?
Mekaniku i makinës që më tha: “Hajde merre të mërkurën makinën!”, por në fakt nuk e ka përfunduar ende.
Hera e fundit që keni paguar?
Sapo pagova kafen që piva.
Hera e fundit që ke vjedhur?
Nuk kam vjedhur kurrë në jetë, dhe nuk e di a do ndodhë sa të kem frymë.
Hera e fundit që të kanë vjedhur?
Para gjashtë vitesh, më vodhën karrocën e djalit poshtë te shkalla e pallatit.
Hera e fundit që shkove tek estetistja. Pse?
Para disa muajsh. Shkova për masazh, se me fytyrën nuk merrem.
Çmenduria e fundit që ke bërë?
Po e bëj ndërkohë. Po tentoj të dobësohem.
Hera e fundit që ke votuar?
Në vitin 2013.
Hera e fundit qe ke bërë seks?
Sa shumë dëshironi të dini?! Sekret.
*Intervista për revistën “Story”
