Ministrja e Drejtësisë, Etlida Gjonaj është thirrur gjatë seancës së sotme në interpelancë nga një grup deputësh të opozitës parlamentare të cilët përfaqësoheshin nga deputeti Lefter Maliqi.
Shqetësimi për të cilin ministrja ishte thirrur në interpelancë ishte gjendja e rënduar sipas tyre në burgje dhe shkarkimet dhe emërimet që janë ndërmarrë se fundi.
Maliqi e hapi fjalën e tij me ngjarjen e fundit të ndodhur në burgun e Peqinit ku u gjet i pa jetë Andon Mëhillaj.
“Sot vdiq një i burgosur në Peqin, ka vajtur polici e ka gjetur pa ndjenja dhe e kanë cuar në spital të vdekur. Kjo për shkak se të burgjet, por tërë administratë është bërë KCK, nuk ka infermiere, nuk ka mjekë, 287 vetë që mungojnë që nga policia, shëndetësia, edukimi, janë kthyer burgjet në pronë private, ku komandohet, lirohen, transferohen, për shkak të emërimeve të oligarkëve. Peshku është qelbur nga koka, të këpusim kokën e peshkut është vota e lirë dhe zgjimi popullor. A ka ky drejtori të shkuar kriminale, ca lidhje ka ky me kryeministrin, e ke propozuar ti apo të dhanë urdhër. A ka qenë i liruar si agjent i SHIK-ut në 97 në Vlorë, a ka qenë në ndjekje penale te komisariati 3 për shkak të ngjarjes me Sokol Koçiun? Ty të komandon drejtori i Burgjeve, nuk e komandon ti, pse i ka shkarkuar tërë drejtorët e Lleshit, me nipin e vet, ish sekretari i përgjithshëm, bënte tenderat dhe e hoqi dhe e coi këshilltar pranë vetes kryeministri, se tenderat i firmoste ai”, tha Maliqi.
Ai komentoi gjithashtu se paketa “anti-KÇK” do të përdoret për të goditur opozitën.
“Interpelanca e parë është me ministren e Drejtësisë, minitrja është edhe drejtuese e task forcës, drejton një nga ministritë e rëndësishmë, e kemi parë me akuza ndaj ligjit KÇK, se këta e mbyllën antimafian, KÇK paska të bëjë me të dënuar, as me gjyqtarë e prokurorë, por do ja dëgjoni krismën, kësaj polici-shtet që do jetë ndaj opozitarëve dhe jo ndaj oligarkëve të tyre që po pastrojnë paratë me ndërtime në Tiranë”.
Maliqi foli me emra konkretë dhe akuzoi ministren se komandimet në administratën e Burgjeve që duhet të jenë 3 mujore i kanë shkelur afatet, ndersa nënvizoi se shumë të shkarkuar nga puna po fitojnë gjyqet dhe këto para do dalin nga xhepat e qytetarëve.
“Drejtori i burgut të Korcës ushtartak mbi 3 muaj i komanduar? Po ca ndodh aty brenda? Largoi drejtorin jkuridik anëtar i asamblesë së tyre, e largoi e degjeneroi do vesh jurist i thjeshtë i tha. Shefi i auditit mik i familjes Rama, gruaja e tij ka dalë nuse te shtëpia në Myslym Shyr. Shantazhoi punonjësit e DAP, fitoi e gjyqin për rikthim në detyrë, ka 10 muaj që auditi është i mbyllur në zyrë nuk kontrollojne ca ndodh në burgje. Shef personieli mbi një vit të komanduar, shef logjistike, të komanduar e shkarkon ,fiton gjyqin si shefja e auditit, kush do i paguajë. Drejtori i 302 ka fituar gjyqin, se kanë lekë këta, 290 veta i kanë mangut, drejtorin e Vlorës e shakrkojnë e cojnë ndjekje penale, del e thotë emëron në Vlorë një që e akuzoi vet për lidhje me krimin dhe e heq pastaj, drejtori i 313 e njëjta gjë. Heq Arben Cukon që u ka dhënë dhjetra kuti me vota, hoqën Stefan Cipën, e hoqa për punë të shkëlqyer tha, sëmur dhe ai dy ditë në Greqi ne një operim të vështirë, akoma s’e kanë uruar një pjesë e tyre i urojmë jetë të gjatë. Kunatën e Vasilikës donte ta hiqte, por ndërhyri Vasilika, te Elbasani ndërhyri Taulanti por ja hoqi. Keni liruar specialiste të ministrisë, ky drejtori i klanit famoz e emëron shefe ligjistike në Krujë, as është prezantaur as emëruar, pas dy ditësh dorëzon detyrën, pas dy ditësh kërkon specialist për burgjet, e keni bërë KCK te administrata e burgjeve”, tha Maliqi.
“Kam ardhur këtu të mbrojë institucionin, s’jam këtu për t’ju përgjigjur mllefeve e inateve personale me persona specifikë apo me të gjithë drejtuesit. Nuk po kuptoj cili ishte meraku juaj, ndryshe ishin pyetjet, një panoramë me emra që s’di pse ishin më shumë persona të dënuar se cfarë duhet të përmbante problematika. Unë nuk i jap kaq rëndësi emrave, nëse ka shkelje cohet në prokurori dhe këtu përfundon.
Një pjesë të informacioneve e keni të vjetëruar mos merrni info në kafene ku ish drejtues ju japin të dhëna, por s’janë fakte, ju ngatërrojnë mbase me kastile por shikojni më mirë që kur të vini në interpelancë të mos thoni gjëra të paqëna“, ishte përgjigja e ministres Gjonaj.
“Interpelanca më shumë është për shqiptarët, faktet janë kokëforte, mos më trego kafenenë mua se unë do takohem po ti informacionet e ke nga shoferi jot, por sigurisht në kafene do i marr informacionet se kam, lidhjet e mia, por ç’ligj moj kush do mbajë përgjegjësi për këta që po fitojnë ligjet, pa më thuaj ndonjë llaf, më vjen keq për ty, s’ka asgjë personale, ti e bën shumë mirë detyrën ku të kanë vënë por kjo është e zeza mbi të bardhe ca ndodh në burgjet, administratë e si ndërhyn politika, situata është e zezë në administratën e burgjeve dhe jashtë, pse 7 të burgosur kanë dalë vetëm me këtë drejtor tani e del thotë gjyqtari kck me radhë, ndërkohë që shteti lufton shtetin.” shtoi Maliqi /Opinion.al
