Deputetja e PD, Ina Zhupa mbajti fjalën në Kuvend lidhur me interpelancën që opozita kërkoi sot me ministren e Arsimit dhe Sportit, Ogerta Manastirliu.
Nga foltorja e Kuvendit, Zhupa hodhi akuza ndaj ministres për vrasjen e Martin Canit, i cili u vra para shkollës Fan Noli muajin e kaluar.
Sipas saj, për vrasjen e Martinit qeveria i hodhi fajin opozitës dhe TikTok, por në fakt sipas saj rrjetet sociale dhe teknologjitë duhet të përdoren për t’i mësuar të rinjtë dhe të edukohen përmes tyre.
Nëse një nga ata dy djemtë do kishin fituar një medalje në sport në arte, e para që do merrte meritat do ishte Ogerta. Ama kur ndodh një tragjedi atëherë Ogerta nuk ka faj. Flisni ju për TikTok që gjithë fushatën e keni bërë në tiktok. Shembulli jepet nga vetja, shfrytëzoi ti rrjetet sociale dhe teknologjinë që të rinjtë të marrin leksione..duhet të ikni një sekondë e më parë, sepse injoroni prindërit. Latë nam duke bërë gjëra falso, duke thënë se çfarë do thonë prindërit”, tha Zhupa.
