Agjencitë e inteligjencës amerikane kanë thënë se një video virale e një burri nga Haiti, i cili pretendon se ka votuar “shumë herë”, është vepër e “aktorëve të ndikimit rus”.
“Ky gjykim bazohet në informacionin në dispozicion të komunitetit të inteligjencës dhe aktivitetet e mëparshme të aktorëve të tjerë të ndikimit rus,” thanë agjencitë në një deklaratë të përbashkët sot.
Videoja prej 20 sekondash tregon dy burra në një makinë që pretendojnë se janë nga Haiti, ku njëri thotë se ata kanë marrë nënshtetësinë amerikane brenda gjashtë muajve nga mbërritja dhe kanë votuar për Kamala Harris në qarqet Gwinnett dhe Fulton, në Gjeorgji.
Një burrë tregon disa patenta drejtimi në kamerë (me sa duket si provë identiteti).
BBC Verify mori pamje nga ekranet e tyre dhe i përmirësoi ato në përpjekje për të verifikuar detajet mbi to.
Një kërkim i imtësishwm i fotos në njërën nga licencat, në emër të Raoul Sylvan, nxori një imazh të titulluar “Afrikan i lumtur me buzëqeshje”.
BBC vuri re emrin Jacques Benoit dhe adresën 4029 Satellite Boulevard, Duluth, në licencën e dytë.
Vendosja e kësaj adrese në Google Maps sjell një imazh dhe vendndodhje në mes të një bulevardi pranë një karburanti, pra hapësirë e jashtme, jo adresë banimi.
