Përfaqësuesi i Posaçëm i OSBE-së për Evropën Juglindore, Z. Mark Pritchard dhe përfaqësues të lartë të OSBE-së kanë patur një takim me Zëvendës Kryeministren e Shqipërisë Senida Mesi, lidhur me proceset aktuale të Shqipërisë dhe rajonit.
Ccështja e integrimit në BE ka qenë ndër argumentat kryesorë të takimit dhe po kështu ajo e reformave, ku zëvendëskryeministrja theksoi rëndësinë e thellimit duke kërkuar jo vetëm angazhimin e mazhorancës, por njëkohësisht edhe të opozitës.
Mark Pritchard, u interesua në mënyrë të veçantë për procesin e integrimit evropian të Shqipërisë dhe ecurinë e reformave thelbësore si ajo në drejtësi.
Lidhur me reformën në drejtësi, Mesi u shpreh se: “Ndërtimi i strukturave të tilla si SPAK apo Byroja Kombëtare e Hetimit janë hapa të tjerë thelbësorë që Shqipëria duhet të plotësojë deri në vendimin e Qershorit 2019.
Një ndër çështjet e diskutuara në takim ishte edhe ajo e dialogut Kosovë – Serbi të drejtuar nga Bashkimi Evropia si dhe propozimi i Komisionit Evropian për liberalizimin e vizave.
