Ish-kancelari gjerman Gerhard Schroder ka shprehur edhe një herë mbështetjen e vendit të tij për procesin e integrimit të Shqipërisë në Bashkimin Europian. Gjatë vizitës së tij në Tiranë, Schroder nënvizoi se vendi ynë duhet të vijojë me reformat, kryesisht në luftën kundër korrupsionit dhe krimit, të cilat tha ai janë si kusht për integrimin e vendit në BE.
“Kancelarja Merkel ka bërë të qartë se Gjermania do të mbështesë integrimin e Shqipërisë drejt BE. Një Shqipëri e qëndrueshme është në interesin e të gjithëve. Edhe Shqipërisë i duhet BE, edhe BE-së i duhet Shqipëria. Por është me rëndësi që Shqipëria të vijojë me reformat për të ecur përpara me procesin e integrimit. Duhet të bëni reforma sidomos në ekonomi dhe drejtësi, e ardhmja vendit është e qartë në BE, pasi Shqipëria është një vend me rëndësi në rajon. Vizita e Ramës juaj në Beograd në 2013 është konsideruar edhe në Gjermani si një gjest i madh i juaji. Kjo vlen të theksohet edhe për kthimin e vizitës nga Vuçiç në Tiranë. Këto janë sinjale të rëndësishme politike. BE do të mbështesë rrugën e vështirë të Shqipërisë drejt integrimit. Sfidat nuk ndalen përballë kufijve, pavarësisht nëse një vend është anëtar i BE apo jo. Është me rëndësi të garantohet siguri. Procesi i integrimit europian, rrezikon të ngecë. Me BREX-it, ne jemi duke jetuar një fazë tjetër. Kjo është në thelb një krizë strukturash. Rreziqet që i kanosen ekonomisë botërore nuk janë të llogaritshme. Pa reforma rruga e suksesshme Shqipërisë drejt BE do të jetë e pamundur”, tha Schroder në fjalën e tij.
