Presidenti Ilir Meta ka folur për integrimin e vendit dhe rezolutën e miratuar së fundmi nga Parlamenti Europian për Shqipërinë dhe Maqedoninë e Veriut.
Në një konferencë për mediat, Meta thekson se Parlamenti Europian na kujtoi edhe njëherë tjetër se hyrja në Bashkimin Europian varet nga reformat në vend.
“Mendova të zgjedh një moment të qetë për çështjen më të rëndësishme që presin të gjithë shqiptarët prej vitesh, për çeljen e negociatave. Vlerësoj rezolutën e miratuar në Parlamentin Europian. Dua të vlerësoj mbështetjen e gjerë politike për anëtarësim të plotë në BE të Shqipërisë dhe Maqedonisë së Veriut, por edhe të gjuhës së drejtpërdrejtë për vendin tonë dhe atyre detyrave që duhet të përmbushen nga vendi jonë. PE na kujton se hyrja në BE varet nga reformat”, tha Meta.
