Në nisje të seancës plenare të ditës së sotme, kreu i grupit parlamentar demokrat Gazment Bardhi pati një debat me kryeparlamentaren Elisa Spiropali.
Bardhi pretendoi se krerët e institucioneve të pavarura duhet të vijnë në Kuvend dhe të japin raportimet e tyre.
Spiropali theksoi se diçka e tillë është e parashikuar në kalendar, por pritet miratimi në komisione dhe më pas në parlament.
Pjesë nga diskutimet
Bardhi: Nuk na ndalon kushtetutë që kuvendi të vijojë punën me rekomandime dhe dëgjesa. Duhet të vijohet me kalendarin e raportimeve të institucioneve të pavarura. Duhet të vijnë dhe të raportojnë në kuvend. Dhe kuvendi të japë rekomandim për vijimin e punës së tyre. Nuk ka arsye të mbyllni kuvendin për institucionet e pavarura që të japin llogari në kuvend. Vendimi juaj është shkelje flagrante e kushtetutës. Është shkelje e afateve të rregullores së kuvendit”, u shpreh Bardhi.
Spiropali: Të 26 institucionet e pavarura janë të parashikuara në kalendarin e kuvendit. Në varësi të komisioneve dhe anëtarëve të komisioneve duhen kalendarizuar. Ka qenë në pamundësi të deputetëve dhe drejtuesve të komisioneve të përfshihen në dëgjesë. Detyrën tonë do e bëjmë si për dëgjesat në komisione dhe në seancë plenare. Nuk e di a do bëhen brenda këtij sesioni. Duke qenë në kalendar mundësia është.
