Numri i shtetasve shqiptarë dhe të huaj që kanë hyrë në Republikën e Shqipërisë gjatë muajit mars 2025 ishte 1.154.288.
Të dhënat janë bërë me dije nga Instituti i Statistikave, në një njoftim në faqen zyrtare, ku tregohet se ky tregues ka pësuar një rritje prej 0.3 për qind më shumë krahasuar me të njëjtën periudhë të vitit të kaluar.
Po për të njëjtën periudhë nga territori i Republikës së Shqipërisë rezultojnë të kenë dalë 1.182.728 shtetas shqiptarë dhe të huaj, duke shënuar një rritje me 0,6 %, krahasuar me të njëjtën periudhë të një viti më parë.
“Gjatë muajit Mars 2025, rezultojnë të kenë hyrë, në territorin e Republikës së Shqipërisë, 1.154.288 shtetas shqiptarë dhe të huaj. Ky tregues ka pësuar një rritje me 0,3 %, krahasuar me Mars 2024.
Nga territori i Republikës së Shqipërisë rezultojnë të kenë dalë 1.182.728 shtetas shqiptarë dhe të huaj, duke shënuar një rritje me 0,6 %, krahasuar me të njëjtën periudhë të një viti më parë”, thuhet në njoftimin e INSTAT.
