Keni dashur ndonjëherë të hidhni një postim në InstaStory vetëm për disa persona dhe jo për listën e gjatë të miqve? Epo t’i bëje “hide” 400 personave është shumë e lodhshme.
Lajmi i mirë është që kërkesat tona u dëgjuan. Instagram vjen me një risi të re: “close friends”. Tashmë ju mund të përzgjidhni një listë personash dhe të postoni vetëm për to.
“Close Friends” është një listë private e rrethit tuaj të ngushtë shoqëror, gjë që e bën më të lehtë për të postuar Story në Instagram, duke qenë se ju mund të përzgjedhni personat me të cilët doni të ndani momentet tuaja. Por mos u shqetësoni, ju do jeni të vetmit që mund të shihni listën tuaj të miqve dhe ju mund ta ndryshoni atë në çdo kohë.
Por, si funksionon kjo? Lista është e vendosur në panelin e djathtë të profilit tënd, ku mund të gjeni mesazhet e ruajtura. Për të patur akses, thjesht klikoni mbi butonin e gjelbër “Add” pranë mikut tuaj dhe ta përfshini atë në listën tuaj.
Më pas kur të shkosh për të postuar një Story, do të gjeni një buton “Close Friends” në këndin e poshtëm në të majtë të ekranit tuaj që mund ta shtypësh për të dërguar përmbajtjen tuaj personale në grupin e përzgjedhur, për momentet që nuk dëshironi t’i ndani me të gjithë personat e tjerë që ju ndjekin (qofshin këto shokët nga gjimnazi, tezja, ose shefi juaj).
