Bëhen me dije të tjera detaje nga vrasja e Lidirona Ademaj. Sikurse raportojnë mediat e Kosovëa, bashkëshorti i saj Naim Murseli, që është në fakt është i dyshuari për porositjen e vrasjes, ishte takuar me Kushtrim Kokalla, një tjetër bashkëpunëtor në ngjarje, të cilit i kishte kërkuar që krimi të kryhej sa më shpejt.
Sipas dosjes së Prokurorisë, takimi kishte ndodhur në një qendër në Gjakovë në ora 9:30 minuta në mëngjes rreth një javë para vrasjes, ndërsa mësohet se Kokalla kishte marr përsipër zgjidhjen e problemeve martesore të Murselit “Unë ta zgjidh këtë punë”, mësohet të jetë shprehur ai.
“Naim Murseli i ka treguar te pandehurit Kushtrim për problemet e tij bashkëshortore me të ndjerën Liridona Murseli, i pandehuri Kushtrim i ka thënë ‘unë ta zgjidh këtë punë’ dhe ndërkohë janë marrë vesh për një aksident të inskenuar”, thuhet në dosjen e Prokurorisë.
Kushtrim Kokalla, dhe Naim Murseli janë takuar së bashku me Granit Plavën ndërsa ky i fundit u kishte thënë se “merret me gjithçka.” Pas këtij takimi Naim Murseli, kishte kërkuar numrin e telefonit të Granit Plavës nga Kushtrim Kokalla, i cili ia kishte dhënë.
Sipas dosjes, Murseli i kishte thënë Kokallës se do të organizojë një takim me vrasësin, që në këtë rast sipas prokurorisë dyshohet të jetë, Granit Plava. Sipas kërkesës për caktimin e masës së paraburgimit, Naim Murseli me qëllim që të vriste bashkëshorten e tij, është marrë vesh me të pandehurin Granit Plava për të kryer këtë akt.
Naim Murseli kishte siguruar armën dhe e kishte pajisur më armë vrasësin dhe kanë inskenuar një grabitje, inskenim i cili kishte ndodhur të mërkurën e 29 nëntorit të këtij viti rreth orës 20:25 në rrugën “Dalip Alshiqi.”
Sipas dosjes, kur Naim Murseli me bashkëshorten dhe dy fëmijët ishin në makinën e tyre, papritmas del para veturës i dyshuari Granit Plava me maskë në kokë dhe armë në dorë ku sipas marrëveshjes paraprake i pandehuri Naim Murseli me fëmijë ka dalë nga vetura dhe është larguar nga vendi i ngjarjes ndërsa në veturë ka mbetur Liridona Murseli.
Ajo nuk kishte arritur të dalë nga mjeti, pasi dyshohet se ishte qëlluar në pjesën e qafës më një plumb, duke mbetur e vdekur në vend.
Gjithë inskenimi, sipas dosjes së prokurorisë, ishte bërë pas një premtimi për rreth 30 mijë euro që Murseli i kishte bërë Plavës për kryerjen e vrasjes.
