Ditën e sotme portale të ndryshme sollën një lajm ku thoshin se aktori i njohur Romir Zalla është hedhur nga dritarja nga regjisorja e tij Inis Gjoni.
Lidhur me këtë lajm ka folur vetë aktori i cili e ka pranuar që ka dalë një lajm i tillë dhe ka sqaruar se bëhet fjalë për një pjesë në të cilën ai ka luajtur me regjisoren. Por Romiri e ka quajtur po ashtu një skandal promocional këtë të mediave.
“Po ka dal një lajm i tillë! Është skandal promocional në thonjëza sepse ka të bëjë me shfaqjen e re mbi të cilën po punoj, e cila do të vihet në skenë në “Teatrin Kombëtar”. E vërteta nuk është se Inis ka fluturuar Romirin, por regjisorja e shfaqjes aktorin, përmes rolit të tij.
Personazhi që unë do të interpretoj në shfaqjen “Çifti i Çuditshëm” është i divorcuar nga gruaja dhe në një moment të shfaqjes i thotë gruas se do të hidhet nga dritarja, se çfarë do të ndodhë më pas dua ta lë surprizë për publikun, “-përfundon aktori.
Në “Pasditen Blu” me Erjona Rusin, Zalla, i cili njihet shumë edhe për rolin e tij në Portokalli si “Llambi” foli gjatë për pasionin e tij për koleksionimin, të cilin e ka nisur që në moshën 8-vjeçare dhe që me shumë gjasa siç u shpreh dhe në studio do të vazhdoi ta pasuroj derisa të plaket. /Opinion.al
