Ish-mesfushori i Barcelonës, Andres Iniesta ka thënë se kombëtarja spanjolle e ka thuajse të pamundur që të shpallet Kampion Bote në Rusi.
Një një intervistë për revistën “GQ”, Iniesta tha: “Duhet t’i vlerësojmë si duhet rrethanat dhe të jemi të vetëdijshëm që është thuasje e pamundur për ta fituar Botërorin. Është shumë e vështirë. Të shkosh atje dhe t’i kalosh raundet një e nga një nuk është aspak e lehtë. Ajo që na ndodhi para katër vitesh në Brazil duhet të na shërbejë në Rusi. Do të shkojnë në Botëror me këmbë në tokë.”
Gjithashtu mesfushori ka argumentuar se Spanja shihet si pretendente, por jo si fituese e Botërorit ‘Rusi 2018’.
“Jemi në një etapë tjetër, me një trajner dhe staf të ri. Janë grumbulluar shumë lojtarë të rinj së fundmi. Është një përzierje e mirë mes lojtarëve me eksperiencë dhe atyre të rinj. Ky është një plus i madh. Spanjën e konsiderojnë pretendente, por unë mendoj se favoritë janë skuadrat e zakonshme, Brazili, Franca, Gjermania, Argjentina… Pastaj gjithmonë del një emër surprizë. Të gjithë i respektoj njësoj” ka shtuar më tej ish-mesfushori i Barcelonës.
Por nuk ka lënë pa përmendur edhe golin në finale e Botërorit të vitit 2010 në Afrikë të Jugut ku tha se e kujtoj gjithmonë dhe se është momenti më unik i një jetë të tërë.
