Për të pestin muaj radhazi ritmi i rritjes së çmimeve në Shqipëri ka ardhur në rënie.
Sipas metodologjisë së EUROSTAT inflacioni ishte 5,5 % për muajin Mars. Në krahasim me të njëjtën periudhë të vitit të shkuar çmimet e përgjithshme janë rritur më pak. Por në veçanti, ushqimet janë rritur më shumë.
Pas ushqimeve dhe pijeve joalkolike, rritja më e madhe e çmimeve në Mars është hasur në grupet “Mobilim, pajisje shtëpie dhe mirëmbajtje” me 6,7 %, “Argëtim dhe kulturë” me 5,5 %, “Veshje dhe këpucë” me 3,9 %, “Hotele, kafene dhe restorante” me 3,8 %.
Nga ana tjetër, çmimet e grupit “Transporti” u ulën me 2,3 %. Norma vjetore e rritjes së çmimeve në Shqipëri është poshtë mesatares së vendeve të BE-së. Sipas të dhënave të bëra publike nga INSTAT në rajon renditemi të dytët pas Greqisë për inflacionin më të ulët përgjatë muajit Mars./ Tv Klan
