Letrën e transferimit nga puna, një infermiere nuk e ka pritur mirë, ndërsa ka tentuar që t’i japë fund jetës duke pirë një sasi të madhe morfine. Ngjarja në fjalë ka ndodhur ditën e hënë, rreth orës 18:30, shkruan ‘Balkanweb’. 38-vjeçarja me inicialet A.P., punonte infermiere në Qendrën spitalore ‘Nënë Tereza’ në Tiranë.
Po ashtu, raportohet se pas overdozës së medikamenteve, infermierja ka rënë në gjendje kome, ndërsa ndodhet në reaminacionin e QSUT-së.
Burime nga drejtoria e Spitalit bënë me dije se infermierja kishte marrë urdhër transferimi nga pavioni i Kirurgjisë, tek Djegie-Plastika. Pavarësisht se mjekët e urgjencës i dhanë ndihëm e parë, ajo ndodhet në gjendje kome. Të njëjtat burime pohojnë se urdhër qarkullimi është vetëm për infermierët, ndërsa atyre nuk u preket paga dhe orari.
