Koraba Gjana, një infermier 27 –vjeçar, në një lidhje për emisionin “Opinion”, foli për vendimin e tij për të shkuar më grupin e punonjësve të shëndetësisë në Itali.
Nga Brescia, ai tha se nesër në orën 07:00 të mëngjesit, ai do të niste punën në spital.
I pyetur nga gazetari Blendi Fevziu, lidhur me një lajm të publikuar nga “Corriere della sera”, se grupi shqiptar do t’I nënshtrohej një testimi më parë, Gjana u shpreh:
“Kemi shkuar dje dhe sot në spital, kemi komunikuar me stafin dhe që nesër fillojmë punë nga ora 07:00 deri në orën 15:00.
Fevziu: “Corriere della sera” thoshte që të bëjnë një provim më parë?
Gjana: Ne nuk na kanë dhënë një informacion të tillë, kemi qe në spital, kemi diskutuar me shefin e personelit dhe varësisht eksperiencave do të ndahemi në pavione.
Fevziu: Çfarë pavioni të ka rënë ty?
Gjana: Infektiv.
Fevziu: Do të punoni bashkë me mjekët italianë?
Gjana: Po, që nesër në orën 7 të mëngjesit t fillojmë punën.
Fevziu: Si është situata aty?
Gjana: Situata duket normale, një spital shumë i organizuar edhe pse shumë i madh, por pacientët marrin drejtimin dhe shërbimin e duhur.
Fevziu: Sa vjeç je?
Gjana: Jam 27 vjeç, kam mbaruar infermieri në Tiranë dhe master shkencor.
Fevziu: Përse vendose të shkosh në Itali? Vendose vetë apo të thanë të shkosh? Nuk kishte frikë?
Gjana: Normale, që kisha frikë. Edhe në Tiranë do kisha frikë, por vendimi ishte shumë personal dhe mendova që do të ishte një gjest shumë i mirë për popullin Italian.
Fevziu: Ju merrni edhe një lloj eksperience aty apo do të jetë edhe një lloj trajnimi?
Gjana: Patjetër, është ndihmë që japim, pavarësisht se edhe ne marrim eksperiencë./Opinion.al
