Një infermier 38-vjeçar ishte duke përfunduar turnin e tij në një spital të Manhatanit të dielën në mëngjes, ndërsa ecte drejt ndërtesës ambulatore. Atje pa një kamion gjidand frigoriferik, gati për të amrr dhe për të larguar personat që kishin ndërruar jetë nmga komolikacionet e COVID-19. Ai eci drejt kamionit, hapi derën dhe realizoi një foto.
“E shkrepa që t’ua tregoj njerëzve. Ky është realiteti i kobshëm me të cilin ne përballemi dhe në të cilin shumica prej nesh kanë përfunduar tashmë.”
Më herët gjatë të shtunës, ai kishte qëndruar pranë një pacienteje, duke i mbajtur dorën teksa ajo jepte frymën e fundit. Tashmë, sipas tij, trupi i saj ndodhet në kamion.
Pacientja në fjalë ishte 71-vjeçe dhe kishte kishte rezultuar pozitive për koronavirusin një javë më parë. Ajo ishte dërguar në shtëpi dhe u kthye në spital të shtunën me probleme në frymëmarrje.
Kamionët-frigoriferë janë vendosur jashtë spitalit në Manhattan, sepse morgu i spitalit nuk ka më kapacitet për të mbajtur trupat që ndërrojnë jetë.
Deri të shtunën në mbrëmje, në qytetin e New York-ut numëroheshin 30 mijë persona të prekur nga koronavirus, ndërkohë që në të gjitha SHBA-në, të prekurit e kanë kaluar shifrën e 100 mijë njerëzve./Opinion.al
