Pandemia COVID-19 vijon të përhapet me ritme të shpejta në të gjithë botën, duke detyruar disa shtete që të rikthejnë izolimin kombëtar.
Organizata Botërore e Shëndetësisë ka bërë të ditur se në 24 orët e fundit është shënuar një tjetër rekord përsa i përketë rasteve të reja me koronavirus.
OBSH deklaron se janë regjistruar 581 679 raste në të gjithë botën gjatë 24 orëve të fundit. Kjo shifër është mbi 24 000 raste më shumë se shifra e fundit më e lartë ditore, e regjistruar më 31 tetor.
Më shumë se 48,5 milionë raste të infeksionit janë regjistruar në të gjithë botën që nga fillimi i shpërthimit të virusit në fund të vitit të kaluar, ndërsa mbi se 1,2 milionë persona kanë humbur jetën.
Ekspertët presin që numri aktual i rasteve të jetë shumë më i lartë se numri zyrtar. Sipas të dhënave, SHBA, India dhe Brazili janë vendet më të prekura./ Opinion.al
