Të paktën 53 persona kanë vdekur si pasojë e rrëshqitjeve të dheut dhe vërshimeve në Xhakarta. Autoritetet në Indonezi thanë sot se ekipet e shpëtimit po vazhdojnë kërkimet për persona të tjerë, që dyshohet se janë të bllokuar nën baltë.
Indonezia po përballet prej ditësh me stuhi shiu që kanë përmbytur lumenjtë dhe që kanë shkaktuar rrëshqitje të dheut në dhjetëra qarqe të kryeqytetit.
Sipas autoriteteve moti i keq, ndërprerja e energjisë elektrike, por edhe terreni i vështirë, po pengojnë punën e ekipeve të shpëtimit dhe përpjekjet e tyre për të shpëtuar sa më shumë persona.
Rreth 400 mijë persona janë vendosur në qëndra strehimi, ndërsa sipas meteorologëve, Indonezia do të përballet me stuhi shiu edhe në ditët në vazhdim./Opinion.al
