India, vendi i dytë me popullsinë më të madhe në botë do të hyjë në karantinë për 21 ditë duke nisur nga mesnata e sotme.
Vendimin e bëri publik kryeministri Narendra Modi gjatë një fjalimi ku iu drejtua popullit të tij.
“Do të ketë një ndalim total për të dalë nga shtëpitë tuaja,”, tha ai. “Ky izolim do të imponohet rreptësisht në çdo fshat dhe çdo rrugë. Sipas ekspertëve të shëndetësisë, 21 ditë janë të nevojshme për të prishur ciklin e koronavirusit. Nëse këto 21 ditë nuk kosiderohen si bllokim, do të na cojën pas 21 vjet.”, shtoi ai.
Kjo padyshim që do të jetë një sfidë për vendin me 1.3 miliardë banorë, izolimi i të cilëve nuk mund të monitorohet nga të gjithë agjensitë e zbatimit të ligjit në vend.
Ekspertët kanë paralajmëruar se India mund të jetë vatra e ardhshme ku virusi pritet të ketë një shpërthim agresiv. Duke iu referuar modeleve të përhapjes në shtetet e ndryshme të botës si dhe numrit të lartë të popullsisë, parashikohet që numri i të prekurve në Indi mund të arrijë në miliona.
Për momentin vendi ka 482 raste të konfirmuara me COVID-19 dhe 9 viktima.
Dr. Ramanan Laxminarayan, drejtor i Qendrës për Dinamikën e Sëmundjeve, Ekonomisë dhe Politikës tha se ky numër i vogël vjen për shkak të testimeve të pakta që janë kryer deri tani. /Opinion.al
