India ka kundërshtuar ofertën e presidentit amerikan, Donald Trump për të ndihmuar në zgjidhjen e konfliktit disavjeçar me Pakistanin për rajonin e Kashmirit, ndërsa ka mohuar dhe fjalët e tij.
Në një takim me kryeministrin pakistanez, Imran Khan në Uashington, Trump ka thënë se do të dëshironte të ishte një ndërmjetësues në konfliktin mes tyre, konflikt, që ka nxitur rivalët të përfshihen në tri luftëra, dy prej tyre për Kashmirin, prej kur kanë fituar pavarësinë nga Britania më 1947.
Më pas, Trump ka shtuar se kryeministri indian, Narendra Modi i ka kërkuar atij ta bëjë këtë gjë.
Por pas kësaj deklarate ka reaguar kreu i diplomacisë indiane, Raveesh Kumar, duke mohuar fjalët e tij.
“Nuk ka pasur një kërkesë të tillë nga kryeministri për presidentin amerikan”, tha ai./Opinion.al
