Partia Demokratike ka akuzuar sot ministrin e Ekonomisë dhe Financave, Arben Ahmetaj se është ai që ka në dorë tre projektet për incineratorët në Elbasan, Fier dhe Tiranë, por nuk ka lënë jashtë sulmeve as ish-ministrin e LSI, Lefter Koka. Kreu i departamentit të PD për Mjedisin, Jamarbër Malltezi tha se nga tre kontratat janë 178 milionë euro të cilat do ndahen mes kryeministrit, ministrit të Financave dhe ish-ministrit Koka.
“Ata kanë mbyllur kontratat për të marrë nga paratë publike mbi 50 milionë euro, 22 milionë euro per inceneratorin e Elbasanit dhe 28.2 milione euro për inceneratorin e Fierit. Është duke u mbyllur kontrata edhe per Tiranen per 128 milione euro te tjera! Te gjitha, kalojne ne 1 dore, ate te Klodian Zotos, thene ndryshe te Arben Ahmetajt. Pra, plot 178 milione euro (pa TVSH) nga taksat tona qe po ndahen mes Edi Rames, Arben Ahmetajt, Lefter Kokes dhe sekserit te tyre ne kundershtim me ligjet dhe strategjite ne fuqi”, u shpreh Malltezi.
Ai i bëri thirrje ish-ministrit të LSI të bëhet i penduar dhe të bashkëpunojë me drejtësinë për të denoncuar “peshqit e mëdhenj” që sipas tij po vjedhin dhjetëra miliona euro me një firmë. “Të tre inceneratoret janë kaparisur me Klodian Zoton, bashkëpunetori me i afert i Arben Ahmetajt. Ata kanë punuar së bashku që në kohën e aferave shumë milionëshe të Arben Ahmetajt me impulset telefonike të kompanise publike Albetelekom. Përpara se ta conte tek inceneratoret, Klodian Zoto i shërbente Arben Ahmetajt prane Vilma Nushit, në koncesionin 120 milonë euro të check up-it. Deri më sot, ata kanë mbyllur kontratat për të marrë nga parate publike mbi 50 milionë euro, 22 milionë euro për inceneratorin e Elbasanit dhe 28.2 milionë euro per inceneratorin e Fierit. Eshte duke u mbyllur kontrata edhe për Tiranën per 128 milionë euro të tjera! Te gjitha, kalojnë ne 1 dore, ate të Klodian Zotos, thëne ndryshe të Arben Ahmetajt”, tha Malltezi nga selia e PD-së.
