Dy vetura të Policisë të Kosovës dhe një civile dyshohet se janë sulmuar me bombë por përveç dëmeve materiale nuk ka të lënduar në njerëz.
Ngjarja ka ndodhur rreth orës 17 e 30 në fshatin Vinarc të Mitrovicës.
Policia në Mitrovicë nuk ka sqaruar këtë rast për KosovaPress, por sipas burimeve të sigurta mësohet se dy veturat e Policisë ishin duke e përcjellë një veturë civile të markës Ford me targa të Kralevës, qytet në Serbi.
Sipas këtyre burimeve dyshohet se cak i sulmit ka qenë vetura civile. Po ashtu burimi i KosovaPress tregon se policët janë pjesëtarë të nacionalitetit serb të Policisë Kufitare të stacionit të Lluzhanit.
Sipas këtij burimi ata kishin shkuar në një të pame në fshatin Zupq. Ndërsa nuk dihet se kujt i përket vetura me targa të Kralevës
