Kryebashkiakja e Gjirokastrës Zaimra Rami ka qenë sot në ambientet e Spitalit Rajonal për të uruar gratë për festën e 8 marsit. Në disa nga portalet u përfol për një incident të pakëndshëm që ka ndodhur, ku një grua e kishte pështyrë. Për këtë ka reaguar nëpërmjet një statusi vetë kryebashkiakja e cila shkruan se kjo është balt e hedhur mbi punën e Bashkisë dhe një lajm i pa vërtetë.
Reagimi i kryetares së Bashkise Gjirokaster Zamira Rami
Sot është një ditë-homazh për çdo grua, sakrificat, lodhjen, dashurinë pa kushte që ajo ofron.
Edhe në këtë ditë, portale online, si Jugu News, pioniere të lajmeve të rreme që nuk përfaqësojnë aspak Jugun e mrekullueshëm të Shqipërisë, fabrikuan një lajm më qesharak se qesharakja.
Ne zgjodhëm të dhurojmë lule, ata gënjeshtra të paskrupullta.
Ne ishim pranë nënave që sot nuk mundën të festonin, disa të tjerë përdorin gjithë forcën e intelektit për të prodhuar “skandale” ndaj grave që drejtojnë duke i shërbyer komunitetit. Ne ecim përpara për një të ardhme të re disa të tjerë vazhdojnë të notojnë në hilet dhe truket e vjetra. Ne promovojmë përkujdesjen dhe dashurinë, ata nxisin baltosjen.
Mbi baltën e hedhur do të mbjellim lule.
Gëzuar 8 Marsin të gjitha nënave dhe motrave dhe një falenderim i veçantë për zonjat në spitalin e Gjirokastrës, të cilat ma mbushën zemrën me dashuri.
Ja çfarë u shkruajtën paradite në portale
Zamira e Bashkisë, pështyhet në surrat nga një paciente në Spitalin e Gjirokastrës. Ngjarja ka ndodhur mesditën e sotme në Pavionin e Kirurgjisë në Spitalin Rajonal “Omer Nishani” dhe është mbajtur e fshehtë nga TV që janë nën kontroll të saj TVGJ dhe një TV privat i afërt me të.
Zamira Rami, ka shkuar në cilësinë e kryetares së Bashkisë së Gjirokastrës në spital, me rastin e 8 marsit ditës së gruas për t’u dhuruar nga një lule sintetike të blerë me shumicë tek tregu rom, pacienteve të shtruara në spital dhe maternitet. Kur ka mbërritur tek dhoma 214 në pavionin e kirurgjisë, ajo ka tentuar të marrë përqafimin e një gruaje 57 vjecare, por ka marrë një pështymë si të vetmen “dhuratë”.
Arsyeja ishte se gruan Zamira e kishte dëbuar nga zyra e saj disa muaj më parë, teksa gruaja kishte shkuar për një vend pune si sanitare në Bashki, gjë që ja kish premtuar në fushatën elektorale të 2015. Gruaja pasi e ka pështyrë, i ka lëshuar edhe një togfjalësh që Zamira shpeshherë e dëgjon nga të revoltuarit dhe të zhgënjyerit që i kanë dhënë votën si vetë kjo grua që mori guximin ta injoronte në prezencë të mjekut ortoped, kryeinfermieres së Pavionit të Kirurgjisë, si dhe shoqërueseve të saj.
Në këtë vizitë në Spitalin Rajonal, Zamira Rami, është ndjerë e sikletosur dhe e vetmuar pasi drejtori i këtij institucioni Krenar Kulla njëkohësisht kreu i LSI Gjirokastër, nuk e ka shoqëruar.Jugunews.net
/opinion.al
